அப்பாவும் நானும் ..புது வருடம் அன்று ...

 அப்பாவும் நானும் தொடர்கிறது..(!)

 புத்தாண்டு வாழ்த்துக்கள் 


  
என் டயரி 

இன்று புது வருடம் ..நானும் அப்பாவும்..காலாற நடந்து வந்தோம்.

1994 புது வருடம்   இன்று போல் சனிக்கிழமை பிறந்தது !!!

சனிக்கிழமை வந்திருக்கு என்றேன்..சனி பெருக்கு நல்லது தான்.

என்றார் பாசிட்டிவ்  அப்ரோச் ஆக..எல்லாமே நல்லதுக்கு தான்...

என்ற பாலிசி என் அப்பாவுக்கு.எதயும் ஈஸி ஆக எடுத்து கொள்வது!!

இப்ப எல்லாம் முன்ன மாதிரி  நியூ இயர் க்கு நிறைய பேர் வருவது 

இல்லையே அப்பா .. என்றேன்,. ஆமாம் மா ..அப்பா  ரி ட்டயர்  ஆன 

பின்னாடி இவ்வளவு பேர் வரதே  பெரிய விஷயம்....டிபார்ட்மென்ட்ல் ல 

இருக்கிற வரை தான் எல்லாம்..என்றார்..புண் சிரிப்புடன்.!!

தினசரி கலேண்டேரை எடுத்து  முக்கியமான தினங்களை மிக 

நேர்த்தியுடன் மார்க்கர் வைத்து மறக்காமல் இருக்க ஹை லைட் 

பண்ணி சுவரில் மாற்றினார்...பல்பு வெளிச்சம் சரி இல்லை என்று 

ஸ்டூல் போட்டு வேறு ஒரு பல்பு  மாற்றினார்.அவருடைய சுறு சுறுப்பு 

என்னை அசர வைக்கும்...அவர் அடிக்கடி சொல்லும் வரிகள்..

பிறவி பெருங்கடல் எப்படி தீர்ப்பது.?? என்ற வரிகள்.

 அண்ணன் கேக்,எலுமிச்சை பழம் ,ரோஜாபூ மாலை கொண்டு வந்து
அப்பா விடம்  கொடுத்து ஆசீர்வாதம் வாங்கி கொண்டார்..அப்பா
கையில் எலுமிச்சை பழம் கொடுத்து ஹாப்பி நியூ இயர்  பா  என்று
சொல்லி கொண்டு இருக்கும் போது அப்பா கையில் வாங்கிய
எலுமிச்சை ..தவறி கீழே விழுந்து உருண்டு ஓடியது..அச்சோ..சோ ..
என்று அண்ணன் எலுமிச்சை பழத்தை தரையில் இருந்து எடுத்து
மீண்டும்  கொடுத்தார்..கவலை படாதே..தவறுவது நல்ல சகுனம் தான்..
என்றார்.. அவர் பாணியில்..ஒன்றுமே நடக்காதது போல....அந்த
வருடம் எனக்கு மறக்க முடியாத வருடம் ஆக அமைந்தது....

 மீண்டும் நாளை பொழுதில் சந்திப்போம்..!!!