முந்திரி கொத்து

நாங்க கன்னியாகுமரி மாவட்டத்தில் சில வருடங்கள்

இருந்த போது , இந்த முந்திரி கொத்து மிகவும் பிரபலம் !

என் அம்மா இதை மிகவும் சிரத்தையாக செய்வார்கள் .

நீங்களும் செய்து மகிழுங்கள் இந்த தீபாவளிக்கு.!

தேவை

பூரணம் செய்ய 
பாசி பயறு             100 கிராம்.
முந்திரி பருப்பு      100 கிராம்.
வெல்லம்               100 கிராம்.

எல்லக்காய்            10
தேங்காய் துருவல் 1 கப்
வெள்ளை எள்ளு     50 கிராம்

மேல் மாவு
பச்சை அரிசி மாவு   1 /4 cup
மைதா                        3 /4 cup
மஞ்சள் கலர்             1 ,சிட்டிகை
சோடா உப்பு சிறிது
refined ஆயில் பொரிக்க
 செய்முறை

பச்சை அரிசி,மைதா மாவை சலித்து மஞ்சள் கலர்,

சோடா உப்பு சேர்த்து  கெட்டியாக (இட்லி மாவு )பதம்

தண்ணீர் சேர்த்து கரைத்து வைத்து கொள்ளவும்.

பூரணத்திற்கு பாசி பயறை நன்றாக நெய் அல்லது

எண்ணெய் விட்டு வறுத்து கொளவும், ஆறிய பின்

ரவை போல் பொடித்து கொள்ளவும் எள்ளு ,தேங்காய்

துருவலை தனி தனியாக வதக்கவும்.பிரவுன் கலர் வரும்

வரை தேங்காவை வதக்கவும்.பொடித்த முந்திரி ,நுணுகிய

ஏலம் சேர்த்து   நன்றாக அனைத்தையும் கலந்து பொடிக்கவும்.

ஒரு பத்திரத்தில் வெல்லம் போட்டு சிறிது தண்ணீர் விட்டு

கரைத்து பின்பு அதை வடி கட்டி கொள்ளவும். இளம் பாகு

காய்த்து (சிறு   கம்பி பதம்) இறக்கி கொள்ளவும், அதிகம்

தண்ணீர் ஆகாமல் பார்த்து கொள்வது நல்லது..

இப்போ   பொடித்த அனைத்தையும் கொட்டி

வெல்ல பாகை விட்டு கிளறி, கெட்டியாக பிசைந்து

கொளவும். மாவு கெட்டியாக சிறய சிறிய உருளைகளாக

பிடிக்கும் பதம் இருக்கவேண்டு (தேவைப்பட்டால் முதலில்

தனியாக எடுத்து வைய்த்த மாவை சேர்த்து கொள்ளவும்).

பிசைந்த மாவை சிறு சிறு உருளைகளாக பிடிக்கவும்.

மூன்று மூன்று உருண்டய்களாக  சேர்த்து தயாராக

வைத்துள்ள மைதா ,அரிசி மாவு கலந்த மாவில் முக்கி

கொதிக்கும் எண்ணையில் போட்டு பொறித்து எடுக்கவும்..
.
நிறைய நாட்கள் வைத்து சாப்பிடலாம்.சீக்கிரம் கெடாது!!




வித்யாசமான ஆப்பில் ஜிலேபி ரெசிப்பி தேடும் போது
கிடைத்தது.நீங்களும் பாருங்க..,நானும் ட்ரை பண்றேன்.

பலகாரம் எல்லாம் செய்யணும் ..தீபாவளி கழிச்சு உங்களை
சந்திக்கிறேன்.எல்லாருக்கும் நெஞ்சார்ந்த தீபாவளி வாழ்த்துகள் !

 இந்த நேரத்தில் என்னை உற்சாக படுத்தி ஓட்டு  போட்டு உயர்த்திய
அன்பு உள்ளங்களுக்கு என் நன்றியை தெரிவித்து வணங்குகிறேன் ..

How To Make Apple Jalebi (Apple Fritters) Recipe By Manjula on Howcast

thanks Manjula madam